Во оваа диета, која е наречена есенска преовладуваат млечни производи, овошје и зеленчук кој во изобилство може да го најдете на крајот на летото и почетокот на есента. Диетата трае пет недели. Производите може да се комбинираат произволно.
Прва недела
Во текот на првата недела се консумира суров зеленчук, нискомаслен јогурт, нискокалорично кравјо сирење, чај и кафе без шеќер, малку сол, лимонов сок и зелени зачини. Секој ден се јаде по 1 тврдо варено јајце и 3 зелени јаболка. Количината на храната не е ограничена. Задолжително треба да се пие по 2 литри вода дневно.
Втора недела
Во втората недела менито е исто како и во првата, и количината на храната е неограничена. Задолжително треба да се пие по 2 литри вода дневно. Во оваа недела вообичаено апетитот се намалува, и многу луѓе се откажуваат и од вареното јајце. Телото, неоптеретено со масти, ужива во леснотијата и во приливот на енергија.
Трета недела
Во оваа недела се консумира суров зеленчук, 300 грама варено месо, пилешко или риба, нискомаслен јогурт, нискокалорично кравјо сирење, по 3 зелени јаболка, чај и кафе без шеќер, сол, сок од лимон и зелени зачини. Во третата недела се додава печено или варено месо, за сметка на тоа се намалува количеството на млечните производи и се исклучува вареното јајце. Задолжително е пиење на 2 литри вода.
Четврта и петта недела
Во последните две недели од диетата, менито е исто како во третата недела, а тежината се намалува поинтензивно. На крајот на оваа недела во менито треба постепено да се додаваат и други производи, додека се обнови нормалната исхрана. Во никој случај не се нафрлувајте веднаш врз пекарските производи, пржените компирчиња, хамбургерите и слатките.
Оваа диета е добро да се применува еднаш годишно за чистење на организмот.
Станете наш facebook фан. Ви Благодариме!