Во есенскиот период од годината сигурно и вас ви се случило да сте нерасположени и ненаспани. Дождот, недостатокот на светлина и паднатите лисја придонесуваат да се чувствувате депресивно. Доколку е така, вие патите од есенска меланхолија.
Таа се карактеризира со замор, лоша концентрација, чувство на осаменост и зголемен апетит. Ваквата состојба е привремена, причините се негативна психолошка реакција на темнина, ниско ниво на хормонот на среќа, зголемено производство на мелатонин кој предизвикува поспаност и недостаток на витамин Д.
За да ја победите есенската меланхолија треба да ги правите следниве нешта:
– јадете намирници богати со витамин Д
– шетајте на дневна светлина
– трчајте или вежбајте
– слушајте што поведри песни на работа
– во слободно време правете нешто креативно или читајте книга
– не одбивајте покана за кафе или кино, поради времето надвор
– збогатете го својот социјален живот
Оптовареноста на просторот ја зголемува депресијата, па затоа кога сте дома, средете го домот. Исфрлете ги сите непотребни работи, а кога ќе го завршите тоа, освежете го станот со детали во ведри бои и цвеќе.
Станете наш facebook фан. Ви Благодариме!