Употребата на машината за перење алишта и не е некоја голема филозофија, но постојат неколку трикови кон кои треба да се придржувате за да ја користите максимално.
-
Никогаш не треба да ја преполнувате машината со облека. На тој начин ја намалувате нејзината ефикасност, што се одразува негативно на чистотата на облеката.
-
Еднаш месечно, се препорачува да ја вклучите празна, додавајќи малку детергент. На тој начин ќе се елиминираат непријатните мириси кои се задржуваат во бубањот, мириси кои потоа навлегуваат во ткаенината при перењето.
-
Облеката треба да ја поделите во три основни групи: бела, светла и темна. Се продаваат марамици кои го спречуваат обојувањето и овозможуваат перење на различните бои на облека заедно, но не треба потполно да им се верува.
-
Новата гардероба секогаш треба да се испере рачно, при првото перење, во топла вода со малку детергент. На тој начин видите колку боја испушта.
-
Прочитајте што пишува на декларацијата, пред да ја ставите облеката во машина. Тука би требало да е назначено на која температура би требало да ја перете.
-
Кога ја собирате облеката за перење, проверете ги џебовите. Освен што можете да заборавите пари или нешто важно, доволно е да има само мало хартивче кое може да пушти боја и да ја упропасти облеката.
-
Облеката треба да се преврти од опаку и така да се пере, бидејќи на тој начин бојата ќе биде попостојана. Истото важи и при сушењето.
-
Копчињата од кошулата нека бидат закопчани, бидејќи така подолго ќе траат.
Станете наш facebook фан. Ви Благодариме!
