Кај еден мудрец дошла млада, убава девојка, целата облеана во солзи.
- Што да правам? – низ солзи прашала таа. Секогаш се обидувам да се однесувам добро со луѓето, никого не повредувам, помагам со што можам. И покрај тоа што со сите сум добра, често наместо благодарност и почит, добивам навреди и иронични насмевки. Дури некои се однесуваат отворено непријателски со мене. За ништо не сум виновна и сѐ е толку неправедно и навредливо. Посоветувајте ме што да направам!
Мудрецот ја погледнал со насмевка и рекол:
– Соблечи се гола и прошетај така низ градот!
- Полудевте ли?! – одговорила девојката.
– Ете гледаш! – се насмевнал повторно мудрецот. Да го покажеш голото тело пред луѓето се срамиш. Зошто тогаш одиш по светот со гола душа? Таа е отворена како оваа врата. Секој што ќе посака влегува во твојот живот и ако ги гледа твоите добри страни како одраз на сопствените пороци, тој се труди да те навреди, оклевети, понижи. Не секој има храброст да признае дека некој е подобар од него. Еве земи на пример, погледни ги овие прекрасни цветови! Многу години се грижам за нив и постојано ги поливам, но ни еднаш не сум видел како распукуваат нивните пупки, макар што после тоа се насладувам на убавината и мирисот на секое од нив. Биди како цвет, откриј го срцето пред луѓето, но прави го тоа бавно и неприметно.
Станете наш facebook фан. Ви Благодариме!
