Во ова модерно време, многу е тешко да одржите врска или брак. Како резултат на технологијата, постојано сме достапни за текстуална комуникација. Понекогаш е тешко да се најде рамнотежа помеѓу претераното допишување и непраќање на пораки. Дури и кога праќате порака, таа можеби го нема она значење кое вие мислите дека го има.
„Ми недостигаш…“
Вистинското значење е „Дали ти недостигам? Се прашувам што правиш во овој момент, каде си, со кого си, но не сакам да изгледа дека нешто не е во ред со мене и дека сакам да го контролирам секој твој чекор. Oттаму е оваа потреба паметно да ја камуфлирам изјавата за мојата љубов кон тебе.“
„Не е важно, во ред е“
Вистинското значење е „Не само што не е во ред, туку е и далеку од тоа, толку што е невозможно да се објасни колку нешта не се во ред. Всушност, катастрофа!“
„Што ќе јадеме после работа?“
Вистинското значење е „Знам дека во фрижидер нема ништо за јадење. Кој ќе оди да купи нешто? Мене не ми се оди, а и не ми се готви. Сакам да нарачаме пица, иако ти си на диета. Ми се јаде пицааа, ќе купиме пица!“
„Кога ќе си дојдеш дома?“
Вистинското значење е „Доцниш веќе 29 минути, 17 секунди и 10 стотинки. Се обидувам да имам разбирање за густиот сообраќај во градот, но мислите веќе ми одат во негативна насока. Дали ти се случило нешто? Сепак утрово врнеше дожд. Или некоја те повика на пијачка после работа? Зар повторно ќе останеш надвор до доцна?“
Станете наш facebook фан. Ви Благодариме!
