Уште од антички времиња, оваа намирница се користи за подготовка на бројни делотворни козметички препарати. Пекарскиот, а особено пивскиот квасец е богат со витамини од Б-група, како што се Б1, Б2, Б6 и Б12, како и минерали меѓу кои калиум, калциум, хром, железо бакар, манган, цинк и фосфор и вредни аминокиселини. Иако одговара на сите типови, посебно е добар за мрсна и за сува, безживотна кожа. Еве неколку идеи како можете да го искористите квасецот за нега на кожата.
Анти-ејџ маска за лице
Измешајте 2 супени лажици свеж квасец и 1 супена лажица вода. Нанесете ја на врат и лице и оставете ја да делува. Кога ќе се исуши, измијте ја кожата со топла, па со ладна вода. Ако имате 20-тина години, маската користете на еднаш месечно, на 30-тина години се користи 2 пати месечно, на 40-тина година еднаш неделно, а на 50-тина 2 пати неделно.
Лифтинг маска за лице
Измешајте 2 коцки свеж квасец, 125ml топло млеко и 1 кафена лажичка шеќер. Нанесете ја маската на лице, врат и деколте, оставете ја да се исуши и измијте со млака вода.
Пилинг од квасец
Измешајте половина коцка свеж квасец и малку млеко и додадете 1 супена лажица дробено ленено семе. Нансете на лице, а откако потополно ќе се исуши, отстранувајте со млака вода, со нежни кружни движења.
Станете наш facebook фан. Ви Благодариме!
