Луѓето кои имаат висока продуктивност во работата, имаат одредени навики кои придонесуваат кон нивниот успех. Активностите кои ги прават пред спиење во голема мера одредуваат каков ќе биде следниот ден.
Се сеќаваат што направиле во текот на денот
Стив Џобс, на пример, секогаш поминувал време анализирајќи дали успеал да ги оствари своите цели за денот и дали има направено чекор напред кон своите долгорочните планови.
Читаат
Многу од успешните луѓе пред да заспијат поминуваат најмалку половина час во читање. Освен што успеваат да се релаксираат, ова хоби им помага да ги прошират своите хоризонти и вокабулар и да бидат подобро подготвени за водењето на својот бизнис.
Запишуваат мисли, намери и случки на хартија и анализираат што треба да променат
Популарната водителка Елен Деџенерис споделува дека запишувањето мисли, намери и случки на хартија и нивната налаиза е она што и помага подобро да се организира и да се ослободи од негативната енергија. Истото тоа го правеле и други познати и успешни личности како Теодор Рузвелт, Чарлс Дарвин, Винстон Черчил.
Ги определуваат приоритетите за следното утро
Поради големиот стрес и многуте обврски човек многу лесно може да изгуби фокус. За подобра организација и продуктивност напишете ги на лист работите кои треба да ги завршите следниот ден и наутро нема да губите време во прашања од каде да започнете.
Поминуваат повеќе време со своето семејство
„Човек никогаш не треба да го занемарува своето семејство поради бизнисот”, рекол Волт Дизни и бил во право. Секогаш ќе постојат службени задачи, но нашите најблиски треба да останат на прво место.
За момент се оттргнуваат од технологијата
Аријана Хафингтон, главната уредничка на Huffington Post, вели дека секоја вечер „се исклучува“ од сето она што е дигитално и советува пред да си легнете, да го ставете телефонот во друга соба, да ги исклучете компјутерот и телевизорот и да поминете барем половина час во тишина.
Станете наш facebook фан. Ви Благодариме!
