Едно дете кое се подготвувало да дојде на свет, еден ден го прашало Господ:
„Господе, ми рекоа дека утре ќе ме испратиш во Светот, но јас сум толку мал и немоќен, како ќе живеам таму?”
Бог му одговорил:
„Од сите ангели, еден одбрав само за тебе. Тој ќе те чека и заштитува. Секој ден ќе ти пее и ќе ти се насмевнува. Така ти ќе ја почувствуваш неговата љубов и ќе бидеш среќен.”
„Добро, како ќе го разберам кога ќе ми кажува нешто, кога не го знам неговиот јазик?” – запрашало детето.
„Ангелот ќе ти ги кажува најубавите и најслатки зборови кои можеш да ги слушнеш во светот и внимателно и со љубов ќе те научи да зборуваш.”
„Слушнав дека на Земјата има многу лоши луѓе, кој ќе ме штити од нив?” – загрижено продолжи детето.
Господ се насмевнал и му рекол:
„Твојот ангел секогаш ќе те заштитува, па било тоа и по цена на неговиот живот.”
Детето го погледна Господ и молчеливо рече:
„Но, јас сум многу тажен што не ќе можам повторно да те видам.”
„Твојот ангел секогаш ќе ти зборува за мене и ќе ти ги кажува патеките кои те водат до мене.”
Тогаш во Рајот настанала тишина и гласовите од Земјата допреле до него. Детето сфатило дека треба да оди па го постави последното прашање:
„Господе, ако сега морам да одам, Те молам, кажи ми како се вика мојот ангел”.
Господ одговорил со голема насмевка:
„Не е важно како се вика, ти ќе го викаш МАМА”.
Станете наш facebook фан. Ви Благодариме!