Вегетаријанска пица со печурки и млад кромид

Денес ви предлагаме да подготвите вкусна вегетаријанска пица со печурки и млад кромид. За подготовка на истата ќе ви бидат потребни околу 40 минути.

Потребни состојки за тестото:

• 250 мл. млеко
• свеж квасец
• 1 лажица шеќер
• 1 кг. бело брашно
• 2 јајца
• 400 мл. јогурт
• маслиново масло
• сол

Од состојките се замесува тесто и се остава да отстои 2 часа во ладилник.

Потребни состојки за филот:

• Доматно пире
• Печурки
• Млад кромид
• Пиперки
• Кашкавал
• Сусам (по желба)

Постапката на подготовка на пицата е прикажана на сликите во продолжение.

Потребни состојки за веге-пица со печурки и млад кромид

Чекор 1: Го размесувате тестото

Чекор 2: Тестото го премачкувате со доматно пире

Чекор 3: Исецканите печурки ги ставате врз тестото

Чекор 4: Го нанесувате изренданиот кашкавал

Чекор 5: Печете 20-тина минути на температура од 200 степени во претходно загреана рерна

Чекор 6: Завршувате со ситно сецкан млад кромид

Добар апетит!

Автор: Давор Панчевски