Според најново спроведено истражување попладневното спиење кое трае подолго од 40 минути го зголемува ризикот од предвремена смрт. Студијата која опфатила 300.000 испитаници покажува дека попладневното спиење влијае врз развојот на метаболниот синдром, вклучувајќи дебелеење, висок крвен притисок и зголемен холестерол.
Истражувањето било претставено на годишната конференција на “American College of Cardiology” (ACC). Според нив човековото тело во сон подолг од 40 минути за време на денот „замислува“ дека е со состојба на длабок сон што многу влијае врз метаболизмот.
Оваа студија тврди дека спиењето попладне ги прави луѓето многу поуморни од тоа што навистина се, секако во зависност од должината на спиењето. Одморени и убаво се чувствуваат оние кои попладне ќе отспијат најмногу половина час. Доколку дојде до длабок сон, мозокот преминува во фаза на „спори бранови“ после што се чувствуваме уморно и дезориентирано.
Станете наш facebook фан. Ви Благодариме!
