Многу пати сме сведоци дека сѐ почнува од главата. Токму овој принцип може да се примени и кога станува збор за диета. Ако одлучиме да јадеме поздраво, нема да биде доволно да се фокусираме само на зеленчук, да го намалиме внесот на масти и јаглехидрати, туку и да размислуваме на одреден начин.
Една германска студија спроведена на оваа тема покажала дека луѓето кои размислуваат за здрава храна додека подготвуваат оброци, сервираат помали порции, што е клучен фактор за губење и одржување на телесната тежина. Учесниците во студијата биле поделени во три групи. Првата група требала да се фокусира на здравствените придобивки од храната, втората да ужива во вкусот, третата на ситоста, додека контролната група не добила никакви упатства за однесување. Најмали порции одбирале испитаниците од првата група, што значи дека кога свесно размислуваме за здравствените придобивки, донесуваме подобри одлуки кога е во прашање храната.
Станете наш facebook фан. Ви Благодариме!