“House sitters” дава комичен приказ на секојдневието на млад брачен пар, учителка по англиски јазик и веб дизајнер. Нивната неможност да кажат “не” ги носи во најразлични ситуации од кои само тие знаат да најдат излез. Желбата да помогнат ги чини нивната среќа, но потребата да удоволуваат ги тера да продолжат.
Актерската екипа на “House sitters” ја сочинуваат Мартин Петровски, Тина Трпкова и Сабина Ајрула. За костимографијата е задолжена костимографката на театарот, Ивана Кнез, сценографијата е на Ива Нечевска, а дизајнот на материјалите поврзани со “House sitters” се дело на Магдалена Дилевска. За маркетингот на претставата се одговорни Ива Дујак и Марија Зафирова. Режијата е на Билјана Радиноска.
За прв пат во Македонија за театарска претстава е користен толку непосреден пристап во промовирањето, што публиката буквално може да ги запознае главните ликови уште пред да дојде на претстава. Тоа е овозможено преку Facebook профилите на Давор и Сара Папучковски, кои преку оваа социјална мрежа го остваруваат првиот контакт со својата публика со која заеднички ја оживуваат приказната на “House sitters”. Профилите на главните ликови може да се најдат на следните врски: facebook.com/davor.papuckovski и facebook.com/sarah.papuckovska.
По распродадената премиера, отворени се резервациите за втората изведба на претставата, закажана за 21 декември, со почеток од 20 часот. Билетите се по цена од 200 денари, а резервации се вршат на www.theatra.org.
По трет пат Theatra ве повикува “Ако сакате да му помогнете на театарот, не глумете, бидете публика“. Почувствувајте ја театарската магија со сета свежина на младиот независен театар.
Кликнете ТУКА за да ги погледнете нашите денешни содржини.
Станете наш facebook фан.
Станете наш facebook фан. Ви Благодариме!