Лоши навики кои му наштетуваат на здравјето

Секој од нас има некои лоши навики од кои треба да се реши колку е можно побрзо, за да го заштити своето здравје.

• Внимавајте како седите
  Времето кои го минувате пред компјутер, сигурно ви одзема поголем дел од денот. За да ги заштитите грбот и вратот се препорачува мониторот да ви биде во висина на очите. Тоа значи дека и лаптопот треба да го користите на маса, а не во скут. Практикувајте повеќе физичка активност.

• Внимавајте на месечниот циклус
  Голем број жени неправилностите во менструалниот циклус им ги препишуваат на стресот или на менопаузата која следува. Вистина е дека неправилностите се нормални во тинејџерските години и на 20 годишна возраст, но циклусот на 30 и 40 годишна возраст треба да биде правилен, а отстапки би можеле да бидат симптоми на разни проблеми.

• Оддалечете се од мобилниот телефон
  Некои податоци велат дека дури 80% од луѓето ноќе го оставаат вклучен мобилниот телефон, а повеќе од половина од нив го користат како будилник. Една од скриените опасности на мобилните телефони е светлината која може да го блокира лачењето на хормонот мелатонин, кој е одговорен за регулирање на сонот. Најдобро би било да се изолирате од мобилниот барем еден час пред спиење и секако да го чувате подалеку од главата. Оддалеченоста на мобилниот само 20 сантиметри од главата го намалува зрачењето за дури 98 отсто.

• Здравје на кожата
  Многумина не користат креми за сончање, освен ако се на летување. Дури и кога ја нанесуваат, оставаат огромни делови на кожата без крема. Вратот, рацете, нозете и рамената се најизложени делови на телото на сонце, а важно е да се знае дека некоја облека и стакло не заштитуваат од штетните влијание на сончевите зраци.