Храната како природен лек

Кога чувствувате некаква болка или имате некаков здравствен проблем, не треба веднаш да посегнувате по апчиња. Обидете се да ја ублажите или излекувате болката на природен начин, со помош на храна.

Болки во мускулите
Против болки во мускулите се препорачува една порција или пак две чаши сок од вишна, пред и по вежбање. Вишните ги содржат сите анти-воспалителни ензини, како што е бруфен, а притоа не постои опасност за бубрезите или стомакот.

Губење на меморијата
За овој проблем се препорачуваат семки од сончоглед, и тоа по околу 100g дневно. Семките од сончоглед се полни со витамин Е, кои ги заштитуваат невроните во мозокот од оксидативен стрес и ја чуваат меморијата.

Слаб вид
Една порција дневно кељ се препорачува при ослабен вид. Кељот го забавува слабеењето на очните мускули.

Еректилна дисфункција
Додадете две чешниња лук дневно во некој од оброците. Лукот содржи алицин, состојка која го намалува крвниот притисок и го подобрува протокот на крв, а тоа води до подобра ерекција.

Недостаток на концентрација
Состојката наречена холин, која се наоѓа во јајце, ја подобрува способноста на мозокот да ги следи командите на остатокот од телото. За подобрување на концентрацијата е доволно едно јајце на ден.

Стареење на кожата
Еден портокал или една чаша цеден портокал дневно се препорачува за поубава кожа. Витаминот Ц му помага на телото да произведува колаген, протеин кој ја одржува еластичноста на кожата.

Депресија
Една порција варен интегрален ориз на ден е одличен природен лек против депресија. Јаглехидратите помагаат во регулирање на серотонин, невротрансмитер кој го контролира расположението и ја потиснува анксиозноста.

Несоница
Триптофтанот често се поврзува со мисиркино месо, но пилешкото месо има повеќе од оваа амино киселина која му помага на телото да лачи мелатонин, хормон кој помага во заспивањето.

Оток околу очи
Отокот под очите најчесто се јавува како резултат на задршка на течности. Една шолја зелен чај, после оброк ја намалува подуеноста на целото тело.

Немирен стомак
Бидејќи ментата ја ублажува болката во гастроинтестиналниот тракт, се препорачува консумирање чај од нане до два пати дневно, после оброк.

Недостаток на енергија
Калиумот и магнезиумот кои ги има во банана, се главни елементи за создавање и складирање на енергија. Една банана дневно се препорачува против недостаток на енергија.

Анксиозност
Ако не произведувате доволно гама-аминобутерна киселина (ГАБА), вашиот мозок ќе биде склон на состојба на анксиозност. Кикириките се еден од најдобрите извори на глутамин, амино киселина која е потребна за производство на ГАБА.

Кликнете ТУКА за да ги погледнете нашите денешни содржини.

Станете наш facebook фан.