Било да сте утрински фанатици или ноќни птици, по поминатиот ден, кога ќе се навалите на перница сакате веднаш да заспиете. Често сонот знае да дојде многу подоцна и несоницата да биде верен пријател. Дали сте се запрашале во што е проблемот? Бидејќи сонот има големо значење за здравјето, треба да внимавате што јадете неколку часа пред спиење. Одредена храна помага полесно да заспиете, а друга го нарушува сонот.
Ние ви посочуваме листа со производи кои можете да ги консумирате и кои треба да ги избегнувате пред спиење.
ЦРЕШИ
Содржат меланин – ензим кој го контролира внатрешниот “часовник” во човековото тело. Редовното пиење сок од цреши ќе го реши проблемот со хроничната несоница. Исто така постојат таблети Мелатонин, кои патниците често ги користат против замор.
ХАМБУРГЕР
Мастите кои ги содржат хамбургерите, чизбургерите, сендвичите и останатата брза храна се убијци на сонот! Никако не смеете да јадете брза храна пред спиење. Мастите предизвикуваат киселини во желудникот, кои може да се прелеат во хранопроводот.
МЛЕКО
Сигурно уште ги памтите вашите мајки и баби кога ви велеа дека една чаша топло млеко ќе ви помогне полесно да заспиете. Епа време е да ги послушаме. Млекото содржи аминокиселина триптофан, која ќе ви помогне полесно да потоните во длабок сон.
АЛКОХОЛ
Можеби со него полесно ќе заспиете, но нема да спиете цврсто и ќе се будите често. Го намалува времето како и квалитетот на вашиот сон. Исто така можете да го налутите вашиот партнер, бидејќи повеќе ќе ’рчите.
ЖИТАРИЦИ
Пробајте еден сад со житарици кои содржат јаглехидрати, како на пример пченица со суво овојше, потопени во млеко. Оваа мешавина ќе ви го даде потребниот сон.
ЦРНО ЧОКОЛАДО
Не само што содржи доста калории, туку во него има и кофеин. Чоколадото исто така содржи и теобромин, стимуланс кој го забрзува ритамот на срцето и ја поттикнува несоницата.
КОМПИР
Печениот компир содржи јаглехидрати и калиум кои ги опуштаат мускулите. Изедете го и верувајте дека сонот ќе ве надвладее.
ПИЛЕШКО МЕСО
Избегнувајте го пилешкото месо пред спиење, изедете го за ручек. Содржи протеини кои желудникот тешко ги вари. Телото наместо да се фокусира на спиење, ќе се фокусира на варењето на оваа храна.
Автор: Ивана Витановска
Сакаш да објавиш статија? Контактирај нè!
Станете наш facebook фан. Ви Благодариме!