Додека на секои 3 минути во светот се дијагностицира нов случај на рак на дојка, секоја жена барем еднаш си помислува: „Тоа не може да ми се случи мене“! Секој октомври низ целиот свет се носат розеви панделки, кои се симбол на борбата против ракот на дојката. Иако ракот на дојката е еден од најчестите форми на рак, сепак голем број жени сè уште малку знаат за него. Медицината на ова поле е напредна, па раното откривање на ракот на дојката се лекува многу успешно.
Откриени се два различни гени одговорни за појава на рак на дојка: BRCA-1 (кој може да биде одговорен и за појава на рак на јајниците) и BRCA-2.
Како сами да се прегледате?
Сите жени постари од 20 години треба барем еднаш месечно да ги прегледаат своите гради непосредно по завршување на менструалното крварење.
*Застанете пред огледало и рацете опуштете ги покрај телото. Внимателнo погледнете ги градите, проверете дали се симетрични, дали има промени во бојата на кожата или промена на брадавиците. Истата постапка повторете ја со рацете кренати нагоре.
*Нежно притиснете ги брадавиците и проверете дали има било каков исцедок.
*Легнете на грб. Под левото рамо ставете перница и левата рака ставете ја под главата. Со десната рака правете кружни движења од врвот до дното и од надвор кон средината на градата. Направете го истото и со десната града.
Доколку забележите било каков исцедок, грутка или деформација на брадавицата, градите или пазувите, веднаш појдете на лекар! Исто така, без разлика што сами се прегледувате и не забележувате никакви промени, еднаш годишно мора да направите мамографија, што е еден од најпознатите и најсигурни методи за дијагностицирање на рак на дојката.
Што ако резултатот е позитивен?
Во третманот на ракот на дојката постојат следниве можности: хемотерапија, зрачење, хируршко лекување, хормонски таблети. Во зависност од типот на ракот на дојка, неговата распространетост, можноста за метастази, третманот варира од жена до жена.
Хемотерапија
Хемотерапијата претставува третман на ракот со цитостатици, со цел да се забави или запре неговиот раст. Овој тип нa терапија може да биде примен во форма на таблети или интравенски и се применува во неколку циклуси. Хемотерапијата за некои жени е екстремно стресна, и можно е (но и не мора) да предизвикува гадење, губење на апетит, опаѓање на косата и замор. Исто така, доаѓа до намалување на имунитетот и промени во квалитетот на крвната слика, поради што е важна редовната контрола на крвта.
Зрачење
Терапија со зрачење или брахитерапија, има за цел да ги уништи клетките на ракот, а понекогаш се користи и пред операција за да се локализираат дисперзираните клетки и да се олесни отстранувањето на туморот. Најчесто, зрачењето се прави после операцијата, кога треба да се уништат сите преостанати клетки на ракот, за да се оневозможи понатамошен развој. Брахитерапијата, исто така се врши во циклуси, и може да предизвика болни промени во кожата. Затоа се препорачува намалување на третманите, и се смета дека 12 третмани би имале речиси ист ефект како 30, и значително би се зачувало здравјето на целиот организам.
Хормонска терапија
Во раните фази на некои видови рак на дојка, лекарите може само да препишат хормонска терапија, бидејќи поголемиот дел од женскиот рак на дојка директно зависи од нивото на естроген во организмот. Дури и третирањето на рак во понапредна фаза, се применува после завршувањето на другите терапии, како би се стабилизирале хормоните во телото на жената. Тие речиси и немаат несакани ефекти, и се користат сè додека лекарот не оцени дека пациентот е целосно излечен.
Хируршки третман
Со хирургијата (мастектомија) може да се отстрани било кој дел од канцерогеното ткиво (обично, кога ракот е формиран поблиску до пазувите), или целата дојка. Само во ретки случаи се прави т.н. радикална мастектомија, со која се отстранува целата дојка, мускулот, сите лимфни јазли и дел од масното ткиво и кожата. Иако отстранувањето на овој важен дел од телото делува страшно за секоја жена, тоа е мала цена која треба да се плати за живот без рак. Благодарение на големите успеси во областа на реконструктивната хирургија, на местото на отстранетата дојка може да поставен имплант, кој изгледа многу природно.
Што потоа?
Средбата со ова тешко заболување може да биде исклучително трауматична. Затоа од голема важност е поддршката од членовите на семејството и пријателите. Најголемата грешка што може да се направи е да се скрие својата состојба од другите. Ако сте болни од рак, не значи дека сте осудени на смрт, туку на голем предизвик за дисциплина, упорност и секако, голема доза на оптимизам. Ракот на дојката може да се победи, и треба да верувате во тоа дури и во најтешките моменти.
За крај, најдете 15 минути од своето време за преглед на градите, бидејќи тие 15 минути можеби значат ЖИВОТ!
Кликнете ТУКА за да ги погледнете нашите денешни содржини.
Станете наш facebook фан.
Станете наш facebook фан. Ви Благодариме!