Најнови трендови во шминкањето

Козметичката куќа Lancôme претставува 24 нови сенки за очи. Нивната широка палета е составена од основни до најсофистицирани нијанси. Tие откриваат нови моно сенки за очи во три интензитети, со кои може да се постигне совршен изглед.

ОЧИ ПОЛНИ СВЕТЛИНА
Бледи нијанси на сенки како розова и сина боја, истакнуваат природен изглед. Нанесете сенка, во некој од овие нежни тонови, на целиот очен капак за да постигнете ефект на поголеми очи. Нагласете и дел под веѓите, како би додале уште повеќе свежина на природниот изглед. Светлите нијанси го нагласуваат интензитетот на маскарата, а со тоа ги истакнуваат трепките.

ШИК И СОФИСТИЦИРАН ИЗГЛЕД
Тиркизна нијанса или нијанса на слива се неизбежни ако сакате да го потенцирате бојата на очите. За елегантен и префинет дневен изглед нанесете сенка преку целиот капак, а за поинтензивен вечерен изглед нанесете потемна боја во надворешниот агол на окото. Ако сакате да ја потенцирате бојата на очите во делот на аркадата и внатрешниот агол на окото нанесете побледа нијанса.

ГЛАМУРОЗЕН ИЗГЛЕД
Понтензивните нијанси кои даваат гламурозен изглед се боја на смарагди, виолетова и чоколадна боја. Нанесете светла нијанса на целиот очен капак. Потоа потемната нијанса нанесете ја во тенка линија, како што го нанесувате тушот за очи. За да постигнете гламурозен изглед, најтемната боја нанесете ја по должината на работ на очните капаци. За подлабок поглед нанесете црно моливче на внатрешниот раб на очните капаци.

Кликнете ТУКА за да ги погледнете нашите денешни содржини.

Станете наш facebook фан.