Избегнувајте козметички препарати кои содржат алкохол

Без оглед на типот на вашата кожа, нејзината нега секогаш е чувствителна тема, особено во текот на зимските и летните денови. Дерматолозите предочуваат да се користат средства за нега на кожа пред сè на природна база, без алкохол.


“Кај нормалниот и масниот тип на кожа може да се јави затегање, перутење, рапавост или пак, црвенило. А, кај сувата кожа која е потенка во однос на нормалната и масната, овие проблеми може да бидат далеку поизразени. Се губи природната еластичност, мекост и сјај на кожата, а како главен виновник за тоа се посочува изостанувањето на хидратацијата.” – додаваат дерматолозите.

НЕГА НА ЛИЦЕТО
Избегнувајте средства за чистење на лице кои содржат алкохол. Употребувајте благи средства за миење на кожата, избегнувајте сапуни и други видови детергенти. Крем лосионите за чистење на лицето и отстранување на шминка се одличен избор.
Во зимските денови, обичната крема заменете ја со помасна. Истото важи и за негата на телото.

ТУШИРАЊЕ
Избегнувајте туширање со врела вода бидејќи тоа го разбива липидниот слој на кожата со што дополнително ја сушите. Купките со масло се вистински избор во зимскиот период бидејќи ја одржуваат потребната влажност на кожата.

ВНАТРЕШНА ХИДРАТАЦИЈА
Поголем внес на течности во организмот е потребен и во текот на зимата, а не само за време на летните месеци. И во зима се препорачува да внесувате два литри течност во текот на денот како вода, така и чаеви.

Кликнете ТУКА за да ги погледнете нашите денешни содржини.

Станете наш facebook фан.