Бојата на страста ги прави жените поатрактивни и испраќа суптилна порака за нивната сексуалност. Мажите навистина сакаат дами кои се облечени во црвено, бидејќи потсвесно очекуваат дека нема да бидат одбиени од истите. А сето тоа е логично бидејќи црвената боја секогаш се поврзува со љубов, страст и романтика. Научници од Универзитетот во Рочестер, Њујорк спровеле истражување токму на оваа тема. Од мажите кои биле вклучени во истражувањето било побарано да оценат фотографии од жени кои биле облечени во најразлични бои. Резултатите покажале дека жените кои биле облечени во црвено им биле најатрактивни. Слични биле и резултатите кога мажите требало да изберат со која од девојките кои пред нив продефилирале облечени во различни бои би оделе на вечера. Авторите на ова истражување велат дека таквата реакција на мажите е резултат на биолошки инстинкт. А тој инстинкт веројатно потекнува од мајмуните (женката мајмун видно поцрвенува пред овулацијата, со што му испраќа сигнал за мажјакот дека е време за парење). Промената на бојата на женската облека значително влијае на впечатокот кој го остава таа во околината. Затоа, жените внимателно треба да избираат боја на облека, во зависност од тоа каква порака сакаат да испратат на својата околина.
Кликнете ТУКА за да ги погледнете нашите денешни содржини.
Станете наш facebook фан.
Станете наш facebook фан. Ви Благодариме!