Top
povredena_zhena

Како реагирате кога ќе ве повредат?

Секој од нас различно реагира кога е повреден. Ако одберете една од овие 5 опции, тогаш само си го уништувате вашиот живот. Ако на повредата одговарате со кој било од овие начини, само си ја влошувате вашата ситуација.

Барате одмазда
Нормално е да сакате да се одмаздите и искушението е навистина големо. Но, на овој начин само си наштетувате. Одмаздата секогаш има негативен исход. Едно истражување тестирало како се чувствуваат луѓето откако ќе се одмаздат. Резултатите покажале дека среќата и задоволството не биле едно од овие чувства. Тие кои се одмаздиле се чувствувале дури и полошо од оние кои не направиле ништо за личноста која ги повредила. Ова докажува дека одмаздата нема да ви донесе задоволство, па затоа најдобро е само да продолжите понатаму.

Ја ширите вината
Кога некој ќе ве повреди, најздравата опција за прифаќање е дека одлуката била на личноста што ве повредила и на никој друг. Но, многу често вината се проширува и на другите. Жените сметаат дека сите мажи изневеруваат, други мислат дека на никој странец не може да му се верува и слично. Ова има лошо влијание на идните врски и пријателства. Оставете ја вината таму каде што припаѓа. Никој не е виновен освен личноста што ве повредила.

Се обвинувате
Навистина е одлично да преземате одговорност за вашите постапки, но префрлањето на целата вина на себе нема да ви биде од помош. Ако вашата самодоверба е погодена, можеби е лесно да се убедите дека сите ве напуштаат бидејќи сте ужасна личност. Подобро е да прифатите дека некои врски едноставно не функционираат, а некои пријателства не траат засекогаш. Бидете свесни за вашата улога во ситуацијата, но не дозволувајте болката да ја замагли вашата перцепција. Мала е веројатноста дека вие сте виновни за она што ви се случило.

Чувствувате омраза
Омразата е најдеструктивната емоција. Кога некој што го сакате ве повредил, многу често чувствувате омраза кон него. Многу е полесно силната емоција да се претвори во друга силна емоција, па љубовта станува омраза. Во ред е да почувствувате збир од емоции, но не дозволувајте омразата да остане во вас.

Простувате и заборавате
Простувањето е клучно за да продолжите понатаму, но заборавањето нема иста улога. Кога заборавате како се одвивала некоја ситуација, многу е веројатно да ја повторите грешката. Простете му на момчето што ве контролира, но не ги заборавајте предупредувачките знаци на нездрава врска. Немојте да простувате и да заборавете. Простете и научете.




Оставете коментар

Вашата адреса за е-пошта нема да биде објавена. Задолжителните полиња се означени со *

Вие можете да ги користите следните HTML ознаки: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <strike> <strong>