Истиот

Бев клошар во очите на сите околу мене, а не бев свесен ни зошто. Можеби поради тоа што бев добар кон сите, на никому зло не посакував и верував во добрината на луѓето. По се изгледа бев премногу наивен и можеби токму затоа бев честопати повредуван. И во љубовта немав среќа, затоа што имав да понудам само срце кое искрено љуби и сака. Тоа едноставно беше премалку за сите оние девојки кај кои се обидов. За мене потоа почна да кружи муабет дека се нудам на сите девојки од сите сум одбиван. Не ми беше лесно, како се да правев погрешно. Почнав полека да се губам себе и својот идентитет. Неможев повеќе да издржам да гледам како пропаѓам и токму затоа решив повеќе да не си ја вложувам својата енергија во бесполезни работи, туку да се насочам кон своето надградување и унапредување. Полека, но сигурно почнував да си го пробивам својот пат во животот. Можеби немав девојка покрај мене, но сепак имав работа која што ме исполнуваше максимално. Колку повеќе работев и вложував, толку повеќе успеси почнаа да ме следат и врати насекаде да ми се отвараат. Бев среќен поради тоа што ми се исплатеше секоја жртва што ја бев дал, секоја капка пот што ја вложував во своите дела, се ми се враќаше.
Почнав да го живеам својот сон. Одеднаш девојките кои довчера ме одбиваа за излегување и ме сметаа за грдото пајче одеднаш добија желба да ме видат и да ме прашаат како сум. Сега во нивните очи сум друг, а не сфаќаат дека јас бев и останав истиот. Не сум променет ни најмалку. Па ако не ме сакаа тогаш. зошто би ме сакале сега? Парите, моќта, славата не се она што ме опишува туку се нешто кое доаѓа и си оди. Таквите девојки не ми се потребни.
Немав никој кога ми беше најпотребно и кога бев на дното, па што ќе ми се сега кога имам се што посакувам? Не ми се потребни дволични луѓе и умилкувачи. Светот и без тоа е преполн со нив, нели?
Научив да уживам во сето она што си го заслужив со многу труд и мака.

Најголемата поука што ја извлеков од тоа беше дека “Човек е вреден се додека луѓето имаат корист од него, а потоа? Потоа станува минато”

Јас не станав минато затоа што не дозволив никој да ме искористува туку се што вложував вложував во себе и во она што знаев дека знам да го правам најдобро и ми се врати и мило ми е поради тоа. Затоа и тебе ти препорачувам. Престани да се угледуваш на другите и да посакуваш да живееш некој друг живот. Ти веќе имаш се што ти е потребно да си го оствариш својот сон, само што сеуште не си почнал/а. А што чекаш?
Утре е веќе доцна за почеток, почни од денес и не запирај. Светот ќе се поклони пред твојата големина. Биди голем/а и оствари го сето она за кое си мечтаел/а.

Доколку пишувате проза или поезија и сакате да ја објавите на iLike.mk контактирајте не на contact@ilike.mk | Автор на ” Истиот”: Анџело Лазаревски

Facebook FAN page