Не постои жена која барем еднаш во животот не се запрашала што има во лошите момци и нивниот шарм. Многу жени во своето љубовно минато имале барем еден бунтовен дечко, на кој ниту една мајка не би му дала „зелено светло“. Од друга страна пак, не постои жена која не сака мажот да ја третира со почит и љубезност, а токму ним им се случува спротивното – под кожата им се вовлекува дрско момче кое е далеку од границите на доброто однесување. Во оваа група се вбројуваат мажите кои испраќаат двосмислени пораки, оние кои речиси секогаш оставаат да ги чекате, мажите кои се склони кон флерт, односно оние мажи поради кои се отвора прашањето дали се заљубени или само си го пополнуваат времето со вас? Веројатно сите сте сретнале барем еден таков маж кој ве полудел во одреден период од животот. Во сето ова има еден недостаток, а тоавсушност е краткорочноста на односот. Жените може буквално да полудат по ваков маж, но потоа да се откажат барајќи некој кој ќе им посвети многу повеќе внимание.
Харизма
Лошите момци секогаш знаат што треба да кажат и како да се вовлечат по кожа. Нивното најмоќно оружје е дрзок поглед на заводник, кое успева да ја покори секоја жена. Без разлика дали тој ви дели комплименти или пак користи дрзок начин на комуникација, секогаш ќе имате желба повторно да го сретнете.
Недостапност
Лошите момци секогаш се помалку достапни. Речиси сите жени сакаат да направат распоред и континуитет при средбите, а недостапноста им создава предизвик да го освојат. Неговите изговори дека има обврски со работата и пријателите може да оди на „нерви“, но истовремено и да привлече.
Предизвик
Лошите момци не реагираат на секоја женска молба и според нив жените не се секогаш во право. Возвраќаат удар ако им се спротивставите и предизвикуваат емоции и страст, а всушност тука се појавува и предизвикот.
Станете наш facebook фан. Ви Благодариме!
