Беше многу пати разочаруван, ама со време сфаќаше дека тоа не е тоа вистинското, се додека не се појави ТАА.
ТАА исто така не ја именуваме, само ќе кажеме дека и ТАА беше од истиот град. Ненадејно ТАА влезе во неговиот живот. ТОЈ не очекуваше такво нешто, но ја засака ТАА личност, ја сакаше како никоја дотогаш. Се сè случи многу брзо, просто ни двајцата не беа свесни што се случуваше во нивните животи.
ТОЈ ја сакаше од првиот момент, ТАА беше ТАА што ја чекал целиот свој живот. ТАА му беше СЀ, ама никогаш не ѝ го покажа тоа. ТОЈ се плашеше дека ќе ја изгуби еден ден и ќе биде разочаран како дотогаш.
Но, ТАА го сакаше и никогаш не покажа дека ќе му го направи тоа, ама ТОЈ не го знаеше тоа. Неговиот страв само направи да ја изгуби. Се покажа љубомора во него, имаше недоверба во неа, ја повреди, кога требаше да биде до неа не беше и најлошо од сè ја ИЗЛАЖА.
Се случи тоа од што најмногу се плашеше, ТАА го остави, ТОЈ остана сам, сам без неа, иако дотогаш не можеа еден без друг. Помина време откако го остави, ТАА му викаше дека престанала да го сака, иако тој имаше надеж во него, која полека умираше.
ТОЈ направи сè да ѝ докаже дека е сменет – дека ТАА го сменила, направила нешто што никоја друга не можела. ТОЈ од преголема љубов кон неа, направи голем чекор во неговиот живот – ја побара за животен сопатник за да го поминат остатокот од животот и заедно да бидат среќни.
ТАА не сакаше да слушне за него, беше повредена, затоа мораше да ѝ напише писмо во кое ќе ѝ каже колку му е жал за сè што ѝ направи.
“Љубов моја, прости ми за сè што згрешив и уништив. Сакам само да знаеш дека ми е жал за сè, жал ми е што те лажев, жал ми е што те повредив, жал ми е што никогаш не ти го дадов вниманието што ти требаше, жалам за сè , барам да ми простиш.
Знај дека ти промени многу во мене, ја промени љубовта во мене. Сакам да ми веруваш на ова и да ми дадеш уште една шанса, знам дека ми даде премногу шанси, но оваа е последна. Мојот живот е безвреден без тебе, ти си мојот живот.
Од првиот момент бев само твој и засекогаш ќе бидам без разлика што ќе се случи во нашите животи.
За последен пат ТЕ МОЛАМ да се жртвуваш, за последен пат да се заљубиш во мене, за последен пат да ми се вратиш. Погледни длабоко во срцето, ако некогаш сум бил таму, ако вистински ме сакаше, сеуште сум таму… чекам и се молам за твојата љубов.“
Доколку пишувате проза или поезија и сакате да ја објавите на iLike.mk контактирајте не на contact@ilike.mk | Автор на “ТАА и ТОЈ“: Д.К.
Станете наш facebook фан.
Станете наш facebook фан. Ви Благодариме!