Дали навистина е важно со колку мажи спиела жената?

Според некои истражувања, околу 95 проценти од жените кои спиеле со повеќе од 20 мажи не можат или имаат потешкотии да најдат партнер со кој би стапиле во брак. Имајќи ја во предвид оваа информација, во денешните т.н. модерни врски се наметнува прашањето: колку сме старомодни или конзервативни?

Неодамна, во Канада е спроведена анкета по однос на ова прашање во која учествувале 7.656 мажи. Резултатите се следни: една третина од испитаниците се изјасниле дека доколку жената спиела со повеќе од 20 мажи е промискуитентна, додека пак, за 41% од нив лимитот е 10 мажи.

Сексологот Д-р Логан Левкоф тврди дека луѓето треба да се борат против оваа предрасуда и додава дека бројот на мажи со кои спиела една жена апсолутно не влијае врз дефинирањето на нејзниот карактер. Логан вели дека ова прашање се актуелизирало околу 1980-та година кога и почнал трендот на т.н. “слободни врски”, или врски без обврски.

“За тие времиња, 20 навистина бил голем број. Но, денес слободно можеме да констатираме дека тој број е просек со оглед на фактот дека голем број на врски, па и бракови траат релативно кратко. Од друга страна пак, добро позната ни е машката теорија за бројот на жени со кои спиеле. Честопати, пред своите другари знаат да фолираат и двојно да го зголемат бројот на жени кои успеале да ги однесат во кревет.
Не постои нормален број по однос на тоа со колку мажи или жени сте спиеле, горна граница нема. Мислењата за “нормалниот број” или т.н. дозволен број, според истражувањата, ги формирате под влијание на вашето друштво, односно според ставовите и искуствата на вашите блиски пријатели.” – додава Левкоф.

За крај, дали ви се случило вашиот партнер да ве праша со колку мажи, или пак жени сте имале интимни односи, а притоа вие сте се почувствувале незгодно бидејќи сте се плашеле од неговата реакција откако би му ја соопштиле бројката?