Дали е паметно да имате секс со поранешниот партнер?

Пријатна атмосфера, добар пијалок, опуштен разговор и пристување на старите добри времиња. После сеќавањата на зедничкото романтично минато најчесто доаѓа до еден момент: будење до поранешниот дечко или девојка, кога и сфаќате дека сте поставиле нов рекорд во љубовните глупости.
Веројатно, сите ние имаме некоја екс-љубов која многу одамна сме ја отпишале, а поради која едвај емоционално сме закрепнале. Сеедно дали сте им дале црвен картон поради неверство, искористување или злоупотреба, сте си ветиле самите себеси дека никогаш повеќе нема да имате ништо со таа личност.
Најверојатно од вашиот стан сте ги исфрлиле сите предмети кои ве потсетуваат на таа несреќна љубов, кога случајно сте се сретнале низ градот сте наведнале глава или свртеле поглед, сте спуштале телефон или сте го смениле телефонскиот број.

“Колку и да си замерувате себеси, ситуацијата е потполно природна.” – додава Џон Мур, автор на бестселерот на тема човечки односи.
Тој вели: “Сексот со поранешниот љубовник не секогаш е лоша одлука!”
Според многумина, идејата поранешниот љубовник да стане исклучиво ваш секс партнер е невозможна. Најмногу поради емоционалните белези и трауми кои сте ги преживеале.
За да ги избегнете дополнителните нервози и емоционалниот бродолом, поставете си ги следниве прашања:
1. Дали сексот со мојот поранешен партнер ќе ме доведе до емоционално патење?
2. Дали можеби сексот е начин за обнова на вашата врска?
3. Дали ќе се повторат траумите од минатото доколку прифатам секс со мојот екс-љубовник?
4. Дали ќе се изневерам себеси доколку допуштам да се врати во мојот живот, макар и само сексуално?
5. Како ќе се чувствувам после самиот секс?
6. Дали потајно се надевам дека сексот ќе вроди со нова врска?
7. Дали сексот со екс-љубовникот ќе ми предизвика лажни емоции?
8. Дали го прифаќам сексуалниот чин поради потиснати чувства за вина поради прекин на врската?

Ако почнете да размислувате на овие прашања, веројатно сексот со поранешниот партнер не е за вас. Но, како да се справите со сексуалната привлечност која ја имате кон вашиот екс-љубовник? Потсетете се на причината поради која дошло до прекин на врската, како и на веројатноста дека повторно би можеле да бидете повредени. Цврство држете се кон своите ставови и јасно кажете “не”.
Бидете свесни дека вашето одбивање може само да ги зајакне верувањата дека тоа е само секс и ништо повеќе, посебно доколку станува збор за човек кој бил одличен манипулатор во текот на врската. Не заборавајте го фактот дека сте поранешни љубовници!!
Затоа не се враќајте назад, туку фокусирајте се на нови познанства и предизвици.

Кликнете ТУКА за да ги погледнете нашите денешни содржини.

Станете наш facebook фан.