На почетокот на секоја врска двајцата партнери се трудат меѓусебно да се импресионираат, но по одредено време некои нешта почнуваат да се земаат здраво за готово, а трудот станува непознат поим.
Ситни подароци
На почетокот од врската секоја ситница го потсетува на вас. Почнувајќи од некои CD-иња, па сè до вашите омилени чоколади кои ви ги купувал на почетокот. Таквите мали знаци на внимание ви даваат до знаење дека мисли на вас, па затоа не е лошо и после неколку години во врска вие да го потсетите вашиот партнер на тоа и да му подарите нешто.
Комплименти
Сте воделе љубов многу пати до сега и сигурни сте дека ве смета за привлечна, но давањето комплименти не би требало да се сведе само на давање до знаење дека сте сеуште секси во очите на вашиот партнер. „Денес баш убаво ми изгледаш!“ е реченица која секој сака да ја слушне.
Желба
Секако дека сексуалниот живот ви е добар, во спротивно не би биле заедно. Но, тоа не значи дека сред гледање филм сакате да слушнете прашање од типот „Сакаш секс?“. Со таков пристап никој не е воодушевен. Не очекувајте свеќи и безобразни зборови секоја вечер, но малку труд и спонтаност не би било на одмет.
Пораки
На почетокот секојдневно сте се слушале на телефон, дури и кога не сте имале нешто паметно да си кажете. А, сте си праќале SMS-и по неколку пати дневно. Едноставно со овој гест сакате на партнерот да му дадете до знаење дека постојано мислите на него. Бидејќи со текот на времето почетната еуфорија згаснува, праќањето пораки се сведува на минимално ниво. Со повремено праќање пораки ќе се потсетите еден со друг како било на почетокот од врската кога сте трепереле пред секоја нова порака која ќе ви стигне.
Станете наш facebook фан. Ви Благодариме!
