Кои се најлошите причини за стапување во брак?

Бракот може да биде убава заедница, но само доколку мотивите за бракот се коректни. За жал, многу често луѓето влегуваат во брак поради потполно погрешни причини.

Постои само една вистинска “причина” поради која вреди да стапите во брак – ја пронајдовте личноста која ви одговара во сè. Сè друго е погрешна причина за влегување во брак, кои колку и да се трудите, нема да дадат добри резултати.

ВАШИОТ ПОРАНЕШЕН ПАРТНЕР СЕ ВЕРИЛ
Фактот дека личноста со која некогаш ја планиравте иднината, сега е во врска со друга личност, кај вас сигурно предизвикува лоши чувства. Меѓутоа, тоа не значи дека вие мора да носите пребрзи одлуки во вашиот љубовен живот и никако не значи дека треба набрзо и непромислено да влезете во брак. Бракот со такви темели, нема никакви шанси за успех. Имајте го ова на ум.

ВЕЌЕ ДОЛГО ВРЕМЕ СТЕ ЗАЕДНО
Многу парови се одлучуваат за брак бидејќи долго време се заедно. Токму тоа им е главен аргумент. Вистината е дека долгогодишното познанство е добар темел за брак, но тоа е само еден од многуте елементи. Освен долгогодишната врска, важни се и заедничките визии, меѓусебното почитување и љубовта. Ако го нема тоа, тогаш долгата врска не е темел за брак, бидејќи проблемите од врската ќе станат уште поголеми во бракот.

БРЕМЕНОСТ
Неочекуваната бременост е една од главните причини поради која паровите стапуваат во брак. Во ред е бебето што доаѓа да ги забрза работите. Но, ако не се познавате долго време и не сте подготвени за брак, тогаш не треба да го гледате зачнувањето како зелено светло за тоа. Секако дека е убаво бебето да има и мајка и татко, но тоа ќе ги има и без тие да бидат заедно во лош брак, што може повеќе да му наштети, отколку да направи добро. Бракот поради задоволувањето друштвени форми и општествени стандарди не носи среќа.

ВАШИТЕ ПРИЈАТЕЛИ СЕ ВО БРАК
Не е убаво чувството да се биде единствена немажена во друштвото, особено кога треба да се оди на некој настан како роденден, именден, свадба или каква и да е свеченост. Но, тоа не е причина за да се венчате во најскор можен рок, бидејќи на тој начин само бегате од самотијата, а всушност во нефункционална врска или брак, можете да се чувствувате и поосамено отколку кога сте соло.

ФИНАНСИСКИ АСПЕКТ
Вистина е дека животот е подобар со финансиска поддршка, но парите не може да ви купат среќа. Значи, заблуда е дека ќе имате живот без проблеми, ако влезете во брак со личност која има одлична финансиска конструкција. Само љубовта и почитувањето може да го одржат бракот.

СТРАВ ОД САМОТИЈА
Многу луѓе се одлучуваат за брак, бидејќи се плашат дека ќе останат сами и дека нема да пронајдат никој подобар. Тоа е одраз на големо непочитување кон вашиот иден сопруг и кон самите себеси. Од овие погрешни причини, ова е можеби најлошата, бидејќи се темели исклучиво на страв. Браковите кои се темелат на тие мотиви, не се успешни, па затоа не се залажувајте дека на тој начин ќе ја пронајдете среќата.

Кликнете ТУКА за да ги погледнете нашите денешни содржини.

Станете наш facebook фан.