Црвено вино

Црвено греано вино.
Одблесокот од ароматизираните свеќи
се пробиваат низ големите стаклени чаши.
Со поглед заљубен, нежно ме гледаш.
Наздравуваме во чест на нашата љубов, на нашата среќа.
Со чашата во рака, те гледам со страст, со топлина.
Додека ја пијам првата голтка го чувствувам циметот во виното.
Медот растопен во него ми се лепи за усните.
Те бакнувам.
Уживам во ова црвено вино и оваа убава ноќ…
Студот, кој го чувствував пред неколку минути исчезна.
Ми се стопли телото, срцето, душата.
Дури и жешко ми е.
Или можеби, само барам изговор да се соблечам.

Доколку пишувате проза или поезија и сакате да ја објавите на iLike.mk контактирајте не на contact@ilike.mk | Автор на “Црвено вино“: Драгана Стојановска

Станете наш facebook фан.