Иако жените на прв поглед се сосема различни, сепак постојат неколку детали кои се заеднички за сите припаднички на понежниот пол, особено кога станува збор за љубов, врска и однос со партнерот. Во продолжение прочитајте кои нешта жените ги чуваат во тајност и нема никогаш нема да ги признаат.
Секогаш лажат за цените
Секоја жена сака да си купи некое ново парче облека, чевли, козметика или да ужива во третман во некој салон за убавина. Без разлика за што станува збор, сето тоа чини барем 20% помалку или повеќе од она што им го кажуваат на своите партнери ( зависно од потребата).
Често размислуваат за секс
Општоприфатениот факт дека фантазиите се резервирани само за машките е целосно невистинит. Жените тоа го прават често и на многу посуптилен начин. Тие признаваат дека фантазираат само еднаш или два пати дневно, но со таков интензитет што кога затвораат очи им се чини дека саканиот е физички присутен до нив во тој момент.
Се плашат од обврски
Врзувањето и судбоносното „ДА“ не предизвикува страв и несигурност само кај мажите. И жените се плашат при помислата на секој голем чекор во нивниот живот. Живот во пар, брак, деца се обврски кои жените ги тераат на солзи, несоница, глад или прејадување.
На своите пријателки им кажуваат речиси сè
Нивните пријателки секогаш биле покрај нив, па според тоа нормално е да им ги кажат сите пикантерии, новости или лоши моменти. Но мажи, нема потреба да се грижите, бидејќи сепак пријателките не дознаваат баш сè, а и нормално, не сте главна тема со секое нивно кафе.
Жените сакаат вистински мажи
Иако жените во овие модерни времиња се силни, независни и успешни, сепак тие сакаат вистински маж покрај себе. Сакаат да имаат некој кој ќе ги заштити, кој знае да преземе контрола на ситуација и кој не се плаши да ја разбере својата сакана.
Ја кријат вистината за поранешните љубовници
Не е мудро да се отвори оваа тема, но по неколку години стабилна врска, кога поранешниот љубовник повеќе не е закана, добро е да знаете дека жените често ја кријат вистината за своите поранешни партнери. Поголем дел од жените се насмевнуваат на споменот на својата стара љубов, а тоа тоа доволно зборува за себе.
Сакаат мала доза на љубомора
Во моментот кога врската станува навика и кога партнерот не ја забележуа нејзината нова фризура, жената сака да предизвика љубомора. Флертувањето е најстариот безопасен начин кој ги доведува мажите до „лудило“, а жените тоа го знаат и добро го користат.
Мажи со престилка
Жените особено ги ценат и „наградуваат“ мажите кои знаат да се справат со нечистите садови или пак да им подготват вечера. Поминаа оние времиња кога работните обврски беа поделени на машки и женски. Жените признаваат дека мажите со престилка им изгледаат секси, па наградата ќе биде неизбежна.
Станете наш facebook фан. Ви Благодариме!