“Mwааah”… те сакуФкам најмногу на сФет!!!

ОК, јасно ми е дека генерациите се менуваат, а оние (по)младите си имаат свој стил на живеење и изразување. Јасно ми е, жими мајка…

Ама не ми е јасно од каде им се појавија оние “бацуФки”, “кис4иња” и најгрозните од сите “муа”. Од сите прекрстивања од Ема во Емуфка, Ива во Ифка, Слатка во Swatka… Што не пробате од Слатка во Блага Петреска на крај крајева??? Бар ќе бидете поинтересни!!!

Значи… ММЕ кој прв почна??!!

Косата ми се крева (или ми паѓа) кога некоја 30 и нешто годишна жена, мајка на малолетно дете од која очекуваш да биде возрасно зрела, чет муабетот или пораката ќе ја заврши со “бацуфки мило”. Е тогаш го “пуштам во употреба” трајно депилираниот јазик и почнувам да “пеам” сé по список. А ако муабетот го слушнам од “фраер”, списокот значително ми се проширува…

Алооооооооооооо, бацуфките не им личат ни на деца од 14, камо ли на оние малку постарите. Да, не заборавам – не можам да проголтам ни кога некој што ме гледа прв пат во животот ми се обраќа со “сонце”, “злато”, ама најмногу од сé ми пречи кога ќе ми рече – “бејби”. Се ежам кога некој што не ме ни познава- ме “сака многу”… a ги “сака” и сите остaнати нели??! 🙂

А што е со тебе? Од што доживуваш тектонски пореметувања за да не можеш да се воздржиш?? :))

Mwah… lov ya all!… НО за да ве сакам повеќе, депилирајте се редовно! :)))

Јазик со трајна депилација