Најчести грешки при пеглање на косата

Правата коса е секогаш модерна бидејќи изгледа поздрава, посјајна и попривлечна. Но, многу од девојките не се свесни за фактот дека честата употреба на пеглата во голема мера ја суши и оштетува косата. Со секоја употреба на пеглата се внесува и одредена нечистотија во косата. Во продолжение прочитајте кои грешки ги правите кога користите пегла за коса, а кои треба во најскоро време да ги поправите.

НЕ КОРИСТИТЕ ЗАШТИТА ОД ТОПЛИНАТА
Спрејот за заштита од топлина е важен и треба да се нанесува редовно, пред секое пеглање на косата, бидејќи оневозможува оштетување на косата во голема мера.

ПЕГЛАЊЕ НА ИСТ ПРАМЕН НЕКОЛКУ ПАТИ
Секој прамен коса треба да се помине само еднаш, освен кога мора да ги поправите врвовите. Прекумерното изложување на косата на толку висока температура ќе ја оштети косата многу брзо. Наместо да ги поминувате прамените неколку пати, поминете ги еднаш, но побавно.

ПЕГЛАТА ЈА ЗАГРЕВАТЕ ДО МАКСИМУМ
За потполно права коса не е потребна највисоката температура на пеглата. Доволно е да ја загреете до средната температура.

НЕ КОРИСТИТЕ СООДВЕТНА НЕГА НА КОСАТА
Ако веќе редовно ја пеглате косата, тогаш треба да употребувате шампони и балсами кои ја негуваат косата, ја штитат од топлина и ја прават помека.

НЕ КОРИСТИТЕ КВАЛИТЕТНА ПЕГЛА
Пеглата со керамичка плоча најмалку ја оштетува косата. Ако често ја пеглате косата, вреди да инвестирате во квалитетна пегла.

КОСАТА ЈА ПЕГЛАТЕ ДОДЕКА Е МОКРА
Косата пеглајте ја само кога е потполно сува, бидејќи тогаш помалку се оштетува. Пеглањето на косата додека е мокра ја оштетува во голема мера.

Кликнете ТУКА за да ги погледнете нашите денешни содржини.

Станете наш facebook фан.