Изборот на вистински подарок за некоја драга личност честопати претставува вистински проблем. Па, овојпат тука се ѕвездите да нѝ го олеснат патот до совршениот подарок.
Прочитајте каков подарок очекуваат вашите блиски личности од вас, но од аспект на нивниот хороскопски знак.
ОВЕН
Овните се доста активни и секогаш се трудат да бидат во добра форма, особено за време на празниците, така што спортска опрема секогаш е добар подарок за нив. Тие ја сакаат црвената боја, па можете да им подарите капа или шал во повеќе нијанси на црвено. Доколку вашиот партнер е во знакот на Овен, тогаш изненадете го со билети за некој спортски натпревар.
БИК
Биковите почитуваат сè што укажува на нивната сензуалност. Без разлика дали се работи за чоколадни пралини или за ќебе од кашмир, сето тоа е добар подарок за него. Тие се хедонисти и сакаат да уживаат во трошењето пари, па некоја ситница со етикета од нивниот омилен бутик ќе биде полн погодок. На нив многу им е поважен квалитетот од квантитетот, па некое сосема мало шишенце од некој луксузен парфем ќе им биде многу драг подарок.
БЛИЗНАЦИ
Остроумните Близнаци сакаат сè што го потенцира нивниот интелект. Интересна книга или претплата за научен магазин е добар подарок за нив. Овој знак се грижи за својот изглед, посебно за негата на рацете. Па, некој миризлив лосион или интересен прстен ќе ги исполни очекувањата.
РАК
Сентименталните Ракови сакаат подароци кои имаат лична порака и значење. Секоја рачна изработка – фотографија, џемпер или колач сигурно ќе ги воодушеви. Раковите посебно сакаат сребро, па затоа рамка за слика или огледало ќе биде одличен избор. Во согласност со својот знак, Раковите сакаат течности, па и шише квалитетно вино, драгоцен чајник или апарат за кафе ќе ја долови магијата. Исто така, добра идеја е да им подарите домашен готвач со различни специјалитети.
ЛАВ
Лавовите сакаат подароци покрај кои ќе изгледаат величествено. Некој детаљ за коса, козметика и други производи за нега би биле одличен избор. Лавовите сакаат драма и подароци кои во себе носат доза на флерт. Карти за опера, златен накит или долна облека со животински принт се вистински избор за овој огнен знак. Лавовите сакаат и да се коцкаат, па некоја грепка или посета во казино ќе биде, исто така, добра идеја за подарок.
ДЕВИЦА
Девиците сакаат практични подароци. Апарати за правење леб или електрична бушалка се добар подарок за Девицата. Личностите родени во овој знак се познати и по својот беспрекорен изглед. Миризливи сапуни, лосиони и шампони од познат бренд кој се грижи за заштита на животната средина, веројатно ќе ги израдува. Девиците се познати и по својата организираност и се мошне вредни, па убав подарок може да биде и некој кожен планер.
ТЕРЕЗИЈА
Терезиите имаат посебен афинитет кон музиката, па плеј-листа направена само за нив ќе биде едноставен и уникатен подарок. Доколку се работи за посебно драга личност, подарете ѝ две карти за концерт, бидејќи тие не сакаат да одат на вакви настани сами. Родените во овој знак сакаат баланс, па ароматизирани свеќи исто така се добар избор. Доколку и понатаму не можете да се одлучите што ѝ подарите на Терезијата, букет од црвени рози и честитка со посвета која ќе стигне на нивната домашна адреса е совршена идеја која ќе ги остави без коментар за убавиот гест.
СКОРПИЈА
Скорпиите се мистериозни, па подарок кој ќе ја истакне оваа нивна особина ќе биде идеален. Дизајнерски очила за сонце, мистериозна ноќница која повеќе открива отколку што покрива ќе им се допадне, бидејќи тие се познати по својот сексуален апетит. Што се однесува до козметиката, Скорпиите ќе ценат доколку им подарите третман за длабинско чистење на лицето.
СТРЕЛЕЦ
Кога се Стрелците во прашање, знајте дека имате работа со директни личности. Доколку подарокот не им се допаѓа, тоа тие ќе ви го кажат отворено. За да избегнете јавна критика, подарете им опрема за кампување. Тие сакаат животни, сакаат подароци врзани за нивните домашни миленичиња. Календар со фотографии од нивните миленици сигурно ќе им изнуди насмевка на лицето. На крајот на краиштата, апетитите на овој знак за патување се големи, па затоа размислете за некој атлас или туристички водич од нивната омилена дестинација.
ЈАРЕЦ
Јарците се опседнати со својата кариера и секогаш ќе се израдуваат на подарок кој ќе е поврзан со работата. Кожна торба за лаптоп или актовка ќе биде ценет подарок. Спротивно на сфаќањата на многумина, Јарците сакаат и да се забавуваат. Овој хороскопски знак имаат одлична смисла за хумор, па ДВД колекција од нивната омилена серија ќе биде супер избор.
ВОДОЛИЈА
Овој знак е многу непредвидлив и никогаш не можете да бидете сигурни каде се и што прават. Во еден момент стојат во редот за банџи скокови, а веќе во наредниот го бараат својот мир тренирајќи јога. Сепак, овој знак секогаш ќе ви биде благодарен ако му го подарите најновото достигнување на технологијата. Ако сакате да им подарите нешто полично, направете албум со фотографии од заедничките патувања, посета на забавни паркови и други возбудливи и значајни активности кои ве врзуваат. Можеби тоа не го покажуваат, но Водолиите се исклучително посветени на своите пријатели. Сепак, ниту една идеја не ви изгледа соодветна? Комплет интересни чорапи, бањарка или пижами се практичен подарок за овој знак.
РИБИ
Уште еден хороскопски знак кој спаѓа во групата љубители на мистиката. Рибите ќе ви бидат благодарни ако со својот подарок им дозволите да побегнат во својот свет на имагинацијата, далеку од реалниот свет. Шише шампањ, калеидоскоп или најубавите трилогии ќе биде совршен подарок за нив. Со оглед на тоа дека се воден знак, Рибите сакаат миризлива сол и пенливи купки за долго лежење во кадата. А, ако сакате да им подарите нешто навистина единствено, тогаш дигитален фотоапарат ќе биде супер подарок за Рибите. Доколку сакате романтичен подарок, обидете се поезија со посвета. Ќе бидат воодушевени.
Станете наш facebook фан. Ви Благодариме!
