Истражување кое било спроведено од специјалисти од Универзитетот на Инсбрук опфатило 47 луѓе со прекумерна телесна тежина на средна возраст од 28 години. Според нивните резултати пешачењето од само 15 минути може да им помогне на луѓето со прекумерна тежина ја надминат моментално силната желба за висококалорична храна и слатки.
Истражувачите набљудувале како 15-минутното пешачење, влијае врз големата желба за слатки. Однесувањето на учесниците било споредено со она на поединци од контролната група, кои во истиот период не правеле ништо. Експериментот покажува дека кај учесниците кои пешачеле, ненадминливата желба за слатко суштински се намалува. Резултатите од истражувањето покажуваат дека одењето може да се користи како стратегија против моменталниот апетит за слатки искушенија.
Според податоците на Светската здравствена организација речиси 2 милијарди луѓе во светот имаат прекумерна тежина или се дебели, што ги изложува на зголемен ризик од прерана смрт, респираторни проблеми, кардиоваскуларни болести, дијабетес, висок крвен притисок и психолошки проблеми.
Станете наш facebook фан. Ви Благодариме!
