Тринаесетгодишната Стефани сакала на својот татко, кој што е астронаут во Меѓународна вселенска станица, да му испрати порака која ќе може да се види од вселената.
Пораката била реализирана во соработка со компанијата „Хјундаи“, која ја исполнила желбата на девојчето, а притоа направила реклама на која автомобили се движат низ пустина и испишуваат букви и знаци.
Пораката „Стеф те сака“, која што била напишана на исушеното дно на езерото Деламар во Невада била толку голема што влегла во Гинисовата книга на рекорди, како најголема која што е напишана со траги од автомобилски тркала.
Како што пренесуваат медиумите таткото стапил во контакт со својата ќерка и ѝ ја покажал снимката која што ја направил од Вселената, а на која јасно се гледа пораката која му била посветена.
Станете наш facebook фан. Ви Благодариме!
