Сѐ што сакам за Божиќ ..си ТИ!! <3

На само 48 часа пред еден од најголемите христијански празници – Божиќ Ве потсетуваме на неколку незаборавни божиќни рефрени кои го чинат празникот уште повесел и помагичен и срцето ни го полнат со радост и љубов.

“All I want for Chrsitmas is you” – Mariah Carey

Листата ја отвара, веројатно и, најпопуларната “All I want for Chrsitmas is you” на Mariah Carey која датира од далечната 1993-та година и е коавторско дела на Mariah и Walter Afanasieff. “All I want for Chrsitmas is you” е водечки сингл на нејзиниот четврти студиски албум “Marry Chrstmas” кој светлината на денот ја здогледа на 1-ви ноевмври 1994-тата под етикетата на издавачката куќа Columbia Records и кој за две недели успеа да се закити со платинеста статуетка за продадени копии.
Музичките критичари велат дека “All I want for Chrsitmas is you” е златната кокошка на Mariah бидејќи секоја година околу божиќните празници се продава одлично и го полни ќесето на Mariah.

“Last Chrsitmas” – Wham!

Листата продолжува со “Last Chrsitmas” на некогаш популарниот англиски поп состав Wham! во кој членувал George Michael кој е и автор на овој сингл. “Last Chrsitmas” е нумера која се најде на нивниот студиски албум “Everything she wants” издаден 1984-тата под капата на Epic Records.

“8 Days of Christmas” – Destiny’s Child

И златното RNB трио Destiny’s Child нѐ “почасти” со фантастична божиќна песна потпишана како “8 Days of Christmas“. Песната е издадена на почетокот на минатата деценија и е водечка на нивниот, истоимен, божиќен албум објавен есента 2001-ва под закрила на Columbia Records. Потсетете се како звучеа Beyonce, Kelly и Michelle во “8 Days of Christmas”.