Помина и овогодинешниот Скопски фестивал, на кој по традиција се избира претставникот за Евровизискиот фестивал, кој оваа година ќе се одржи во Дизелдорф, Германија. Настанот се одржа во Универзална Сала, и мора да признаеме дека организацијата годинава беше подигната на некое повисоко ниво.
Изборот помина со супер нумери, кои се надеваме ќе бидат слушани по националните радија и телевизии, но сепак еден мораше да ја однесе победата. Еден од фаворитите, се разбира, Влатко Илиевски е тој кој ќе ја претставува нашата држава во Германија. ‘Русинка’ е песната која со сигурност ќе почнете да си ја потпевнувате уште деновиве, а за истата се одговорни: музика/Глигор Копров и Владимир Дојчиновски/, аранжман/Владимир Дојчиновски и Јован Јованов, текст/ Марко Маринковиќ – Слаткар/.
Мартин Србиновски го зеде второто место со песната ‘Рам там там’, кој исто така ќе настапи на фестивалот Сунчане скале , а третото место го земаа групата Offside со песната ‘Секој ден’.
Настанот беше збогатен со настапите на Драган Мијалковски, Ѓоко Танески, Феминем, Суперхикс, и секако прекрасната Елена Ристеска.
Напред за Влатко!
Кликнете ТУКА за да ги погледнете нашите денешни содржини.
Станете наш facebook фан. Ви Благодариме!
Lugeto ke si mislat deka plackovo Rusija ja pretstavuva,a ne MAKEDONIJA! Niedna pesna ne bese dobra.