Да потсетиме, “ТРИ” е авторско дело на Бертан Аслани и е дел од последниот студиски проект “Тони Зен е… Суперзен”, а текстот за неа го напиша самиот Тони. Во видео записот, според самите стихови, три исклучително атрактивни и секси девојки се грижат за Тони, од кои едната го учи, другата го негува, а третата го служи во авион.
“Прекрасно беше чувството истовремено да се слуша звукот на ферари и работењето на моторот нa авион. Не сум љубител на брзи и скапи автомобили, но сепак ќе речам – ферари си е ферари. Презадоволен сум од тоа што целата екипа, иако непрекинато работеше цели два дена, сепак го даде својот максиму. Едвај чекам да ја видам вечерашната премиера.” – вели Тони Зен.
Пред десетина дена и спотот за песната “Говор тела” која е соработка на Тони со белградскиот состав Маракуја беше промовиран на регионалниот МТВ. Видео изданието беше само најава за она што ќе се случува на 29-ти декември во Универзалната Сала во Скопје – концертот “Тони Зен и Маракуја во Интимни Односи”, кој исто така ќе биде поддржан од МТВ.
“Концертот на 29-ти декември ќе биде многу поразличен од оние кои досега сте ги следеле и гледале од мене. Овој ќе биде поинтимен и со многу душа, а тоа ќе го почувствува и самата публика во салата.” – изјавува Тони.
Симплисити Продукција која е организатор на концертот најавува едно поинакво, поинтимно предновогодишно дружење, со Тони Зен, Маракуја и нивните гости.
iLike.mk ја поддржува македонската музичка сцена и дава несебичен придонес кон промивирање на истата. Вашите новитети (песни, спотови, фотографии, најави за концерти и сл.) ги очекуваме на contact@ilike.mk.
Станете наш facebook фан.
Станете наш facebook фан. Ви Благодариме!