Зошто треба да јадеме јаболкa?

Јаболката, освен што е вкуснa, претставува и изненадувачки важен извор на корисни состојки за нашиот организам. Консумирањето на ова овошје влијае врз намалување на холестеролот, телесната тежина и влијае врз интелигенцијата. Во продолжение прочитајте 5 причини кои покажуваат зошто секој ден треба да јадеме барем по една јаболка.

ОБЕЗБЕДУВААТ ЧУВСТВО НА СИТОСТ
Јаболката подолго време се џвакаат, па овошните шеќери од нив бавно и постепено влегуваат во нашето тело и ги одржуваат стабилни шеќерот во крвта и инсулинот. Јаболката обезбедуваат подолготрајно чувство на ситост поради постепеното влегување на шеќерот. Освен тоа, тие содржат минимален број на калории, што е важно во поглед на одржувањето на телесната тежина. За разлика од јаболката, јадењето слатки влијае на пораст на шеќерот во крвта и привремена ситост, а потоа одеднаш се намалува нивото на шеќер, гладта се враќа, а калориите остануваат.

ГО НАМАЛУВААТ НИВОТО НА ХОЛЕСТЕРОЛ
Јаболката содржат пектин и полифеноли кои го намалуваат нивото на холестерол и ја спречуваат неговата акумулација во крвните садови. Најголем дел од овие состојки се наоѓаат во кората и во средниот ден на јаболката.

ЈА ПОДОБРУВААТ РАБОТАТА НА ДИШНИТЕ ПАТИШТА
Според една британска студија, децата чии мајки во текот на бременоста често консумирале јаболка, имаат многу помала шанса за развој на астма, тумор и други болести на дишните патишта од оние чии мајки не јаделе јаболка.

ВЛИЈААТ ВРЗ ИНТЕЛИГЕНЦИЈАТА
Преку комбинацијата на одредени состојки од јаболката со ензимите во човечкото тело настанува невротрансмитерот ацетилхолин, чија улога е пренос на импулси помеѓу нервните клетки. Колку повеќе јадете јаболка, толку помоќно ќе биде дејството на ацетилхолинот, кој влијае на подобрување на меморијата и концентрацијата.

ГО ЗАПИРААТ РАЗВОЈОТ НА РАК
Луѓето кои јадат барем една јаболка на ден имаат 42% помала можност да заболат од рак. Италијански истражувања покажуваат дека некои состојки од јаболката го спречуваат ширењето на карциномните клетки.

Кликнете ТУКА за да ги погледнете нашите денешни содржини.

Станете наш facebook фан.