За некои луѓе зимата не е само студ, магла и снег, туку и извор на многу здравствени проблеми. Во продолжение погледнете ја листата на најчестите здравствени проблеми кои таа ги носи.
Депресија
Д-р Роналд Подел, директор на Ценатрот за бихевиористички науки во Лос Анџелес, вели дека деновите околу Нова година и Божиќ за некого може да бидат период на бескрајна среќа и радост, додека за други може да биде период на тешка депресија и неподнослива анскиозност. Оние кои припаѓаат во втората група се плашат дека не се вклопуваат во таа совршена празнична слика. Две групи на луѓе се особено ранливи и чувствителни во овој период: оние кои немаат блиски пријатели и семејство, и се чувствуваат тажно и осамено, а другата група се оние кои не ја поднесуваат дисфункионалната семејна средба.
Срцев удар
Студеното време го зголемува ризикот од срцев удар. Британските научници докажале дека секое намалување на температурата за 1 Целзиусов степен, го зголемува ризикот за добивање срцев удар за 2%.
Мозочен удар
Зимата ја влошува здравствената состојба кај луѓето со висок крвен притисок, а тоа може да доведе до запирање на работата на срцето или до мозочен удар. Д-р Џозеф Кан, невролог од Кливленд, вели дека драстичното менување на температурите и нивно движење од една во друга крајност, го покачува крвниот притисок што доведува до стегање на крвните садови. Поради променетиот облик на крвните садови доаѓа до нивно пукање и мозочен удар.
Сезонско афективно растројство (зимска депресија)
Луѓето кои го имаат ова здравствено нарушување имаат видливо полошо расположение во зимскиот период, што најчесто е предизвикано од кратките денови кои се карактеристични за зимата, чувствителноста на студеното време и хормоналната нерамнотежа. Според истражувањата, луѓето се склони кон мрзеливост во зимските денови, а Американската асоцијација на психолози смета дека ова нарушување се појавува бидејќи лицата не успеваат да се прилагодат на физичката средина. За да се излекува овој тип на депресија, потребно е изложување на силна, денска светлина, неколку пати во текот на денот.
Грип
Луѓето кои живеат во северната хемисфера секогаш се разболуваат во зима, односно во периодот од ноември-март. Првата причина е вирусот на грип, кој може да преживее и многу студено време (според спроведени истражувања, овој вирус подобро преживува при ниски температури и студен воздух). Истражувањата на Медицинската школа „Маунт синај“ од Њујорк, покажуваат дека вирусот на грип има поголема шанса да преживее на пониска влажност на воздухот (20-30%), отколку на невозможните 100% влажност на воздухот.
Висок холестерол
Холестеролот има највисока вредност во зима, а најниска во лето. Според испитувањето на Архивата на интерна медицина, спроведено на 517 здрави лица, 22% од нив имаат висок холестерол во зима. Причината може да биде малата физичка активност во зима.
Псоријаза
Оваа болест се манифестира со црвени рани и лупење на кожата. Најчесто се појавува зимно време, кога воздухот е сув, има магла и температурите се намалуваат. Бројот на луѓето кај кои се појавила псоријаза во зима, двојно се намалува во лето.
Станете наш facebook фан. Ви Благодариме!