Во текот на летото, поради летните горештини особено треба да внимаваме и да внесуваме доволно течности во организмот. Освен тоа, треба да внесуваме здрави пијалоци кои ќе не освежат и нема да содржат многу калории. Пијалоците за кои ќе прочитате во продолжение, може да ги консумирате без ограничување. Воедно, тие спречуваат надуеност на желудникот и помагаат во губење на килограми.
Леден чај од нане и зелен чај
Ледениот чај е идеал напиток во топлите денови. Нането помага во согорување на мастите и спречува надуеност на стомакот. Зелениот чај помага во согорување на мастите, посебно ако го пиете пред вежбање. Освен тоа, богат е со антиоксиданси кои помагаат во намалување на мастите на стомакот.
Фрапе од лубеница или ананас
Лубеницата е нисколарично овошје и претставува одлична состојка за здрав пијалок. Содржи голема количина вода, ликопен и аминокиселина аргинин, што ја намалува телесната тежина и ја зголемува мускулната маса. Ананасот содржи ензим кој го подобрува варењето на храната, ги топи мастите и спречува надуеност.
Вода со вкус
Обичната вода помага во губење на телесната тежина поради тоа што го прочистува организмот, го спречува задржувањето на течности кое предизвикува надуеност и предизвикува чувство на ситост. Ако не сакате обична вода, можете да додадете неколку парчиња свежа краставица, лимон, портокал или лимета.
Фрапе од темно чоколадо
Темното чоколадо помага во намалување на телесната тежина бидејќи го намалува апетитот и предизвикува чувство на ситост. Со оглед на тоа дека овој пијалок содржи доволно калории, идеален е за појадок.
Станете наш facebook фан. Ви Благодариме!
Станете наш facebook фан. Ви Благодариме!