Водата е извор на животот

Водата игра голема улога во одржувањето на здравјето на луѓето. Има влијание во намалување на главоболка, третман на кожни иритации, па дури и зајакнување на имунолошкиот систем. Во продолжение прочитајте ги 7-те најзначајни ефекти на водата врз човековиот организам.

Ги топи мастите
Водата е пред секоја диета. За да се ослободите полесно од вишокот на килограми, пијте вода пред секој оброк. Докажано е дека пиењето вода пред јадење, го намалува апетитот и со тоа се внесува помала количина на храна во организмот. Освен тоа, водата го забрзува метаболизмот кој е исто така важен фактор во намалувањето на телесната тежина.

Ја намалува главоболката
Ако поради стрес и премногу работа ве мачи главоболка, наместо таблета, напијте се неколку чаши вода. Еден од првите знаци за дехидратација на телото е токму главоболката, па затоа имајте го предвид ова.

Помага во лекување на кожни заболувања
Недостатокот на течности во телото ја суши кожата, а тоа ја ослабува нејзината заштитна функција, која може да доведе до оштетување на кожата (на пример: дерматит или псоријаза). Освен тоа, сувата кожа е склона кон пукање, а таквите оштетувања овозможуваат влез на бактериите кои предизвикуваат инфекции.

Ја подобрува концентрацијата
Дехидратацијата може да предизвика нарушување и намалување на менталните способности, како и меморијата. Нашето тело содржи околу 75% вода, а мозокот 85%, така што намалувањето на внесот на течности во организмот значително влијае врз мозокот. Бидејќи кафето дејствува како диуретик и ја исфрла водата од телото, пред да го испиете утринското кафе, напијте се барем една чаша вода.

Го зајакнува имунолошкиот систем и ги исфрла токсините
Одржувањето на потребното ниво на течности во организмот го зајакнува имунолошкиот систем кој му помага на телото да се бори против инфекции. Водата го чисти организмот и телото од токсични материи, што значи дека од голема важност е за негово нормално функционирање.

Ја зголемува енергијата
Ако почувствувате дека вашата енергија постепено исчезнува, наместо веднаш да посегнете по чоколадо, напијте се неколку чаши вода. За да имате повеќе енергија, пијте од 8-10 чаши вода во текот на денот. Дури и најмалиот процент на дехидрација значително ја намалува енергијата.

Исфрла камчиња од бубрезите
Камен во бубрег е честа појава, а оние кои имале знаат колку тоа може да биде болно. Во таков случај се препорачува консумирање на поголеми количини вода. Проблемите започнуваат кога каменот доаѓа во уринарниот тракт. Затоа, пијте вода со цеден лимон, бидејќи тоа му помага на организмот да ги исфрли камчињата од бубрезите или да го спречи нивниот раст.

Кликнете ТУКА за да ги погледнете нашите денешни содржини.

Станете наш facebook фан.