Корисни совети за поубаво спиење

Квалитетното спиење во текот на ноќта е една од најважните работи за нормално функционирање на човековиот организам. Со квалитетно спиење му помагате на мозокот, срцето и надворешниот изглед.

Во продолжение неколку докажани совети за подобрување на спиењето.

ВЕЖБАЈТЕ
Во текот на денот обидете се да бидете целосно активни. Доколку не сте, пасивноста надополнете ја со вежбање дома, во теретана, посета на фитнес или трчање.

ОПУШТАЊЕ
Легнете на грб во затемнета просторија, ставете ги рацете покрај тело и дишете длабоко. Исто така, топла када со етерични масла и масажата помагаат за релаксирање.

ИЗБЕГНУВАЈТЕ АЛКОХОЛ
Со алкохолот многу брзо се менува расположението. Алкохолот е деуретик, па ноќе ќе имате потреба од често мокрење. Исто така се зголемува веројатноста од ‘рчење при што се намалува струењето на воздух во белите дробови. А, со тоа се намалува количеството на кислород во крвта што доведува до нарушено спиење и мамурлак.

ИЗБЕГНУВАЈТЕ КОФЕИН
Кофеинот е стимуланс кој може да остане во телото повеќе часови и да ве држи будни. Кофеинот, исто така, може да причинува нервоза и забрзана срцева акција.

ВОДЕТЕ ЉУБОВ
Водењето љубов пред спиење е одличен фактор за опуштање и убав сон.

ВНИМАВАЈТЕ НА ИСХРАНАТА
Обемниот оброк непосредно пред да си легнете создава стомачни тегоби кои го нарушуваат сонот. Затоа избегнувајте храна минимум 2 часа пред да си легнете.

Кликнете ТУКА за да ги погледнете нашите денешни содржини.

Станете наш facebook фан.