Природни сокови кои помагаат во губење на телесната тежина

Доколку сакате да ја намалите телесната тежина, а тоа да го постигнете без многу вежбање, треба да знаете дека во остварување на таа цел може да ви помогнат некои природни сокови. Овие сокови од овошје и зеленчук се нискокалорични, а богати со хранливи материи. Вклучувањето на овошјето и зеленчукот во исхраната ги намалува шансите за заболување од рак, мозочен удар, камења во бубрезите, срцеви заболувања, дијабетес, холестерол и многу други болести. Вклучете некој од овие здрави пијалоци во својата исхрана и намалете ја телесната тежина без многу напор.

СОК ОД ТИКВА
Сокот од тиква е богат со растителни влакна и вода, а содржи малку калории. Тиквата поволно влијае врз варењето на храната, го намалува апетитот и обезбедува сјај на кожата. Вклучете сок од тиква во својот појадок.

СОК ОД ЛУБЕНИЦА
Лубеницата е богат извор на витамини и минерали, а истовремено содржи малку калории. Освен тоа, лубеницата е храна која позитивно влијае врз кардиоваскуларното здравје.

СОК ОД ПОРТОКАЛ
Мошне хранлив пијалок кој содржи малку калории. Освен што го снабдува телото со поголема количина витамин Ц, подолго време одржува и ситост. Агрумите, како на пример портокалите, имаат многу позитивно влијание врз здравјето, а истовремено помагаат во намалување на телесната тежина.

СОК ОД МОРКОВ
Морковите имаат нискокалорична вредност. Во многу режими на исхрана се препорачува сок од морков. Чаша сок од морков, не само што освежува, туку и заситува. Експертите за контрола на болести и превенција препорачуваат да се вклучи морковот во секојдневната исхрана, бидејќи го зголемува имунитетот.

СОК ОД ГРОЗЈЕ
Ова е уште еден вкусен пијалок кој помага во намалување на телесната тежина. Грозјето е богато со антиоксиданси кои помагаат во согорување на калории. Освен тоа, грозјето помага во лекување запек, замор, болести на бубрезите, мигрена, менструални проблеми, срцеви заболувања, астма и друго.

Кликнете ТУКА за да ги погледнете нашите денешни содржини.

Станете наш facebook фан.