Убавата насмевка ја дефинираат здрави и бели заби. Но, наместо да давате пари за третмани за избелување на заби, дознајте што од вашата кујна можете да употребите за таа цел.
ЛИМОН И СОДА БИКАРБОНА
Сода бикарбоната е познат избелувач на заби, но ако во неа додадете малку лимон ефектот ќе биде уште подобар. Во сад ставете ¼ шолја сода бикарбона и додадете сок од половина лимон. Смесата нанесете ја на забите и оставете ја да делува три минути, а потоа измијте ги со паста за заби. Оваа постапка може да ја повторувате еднаш неделно.
ЈАБОЛКОВ ОЦЕТ
Оцетот не само што ги отстранува дамките на забите, туку и ги убива бактериите во усната шуплина. Во чаша вода ставете една лажица јаболков оцет и исплакнете ја устата, а потоа измијте ги забите со паста. Оваа постапка може да ја повторувате секој ден.
КОРА ОД ПОРТОКАЛ ИЛИ ЛИМОН
Киселината од аргумите предизвикува избелување на забите. Тријте ги забите со внатрешната страна на кората, а потоа измијте ги со паста за заби. Оваа постапка може да ја повторувате и неколку пати дневно.
Станете наш facebook фан. Ви Благодариме!
