Стресот е природна одбранбена реакција на нашето тело на промени. Најчесто го предизвикуваат ситуации во кои се чувствуваме загрозени. Тогаш нашиот организам се подготвува или за борба или за бегство. Како резултат на физиолошките промени ослободени од реакцијата на телото, стресот може сериозно да влијае на општата здравствена состојба. Секој ден имате впечаток дека имате многу работи да завршите, а немате доволно време и ве фаќа паника. Тогаш, веројатно се наоѓате во состојба на стрес. Ако е така, време е да научите како да се справувате со него.
ЗНАЦИ КОИ УКАЖУВААТ НА СОСТОЈБА НА СТРЕС:
– Хроничен замор и исцрпеност
– Гневен одговор на секое барање
– Цинизам, негативност, раздразливост
– Чести главоболки
– Пореметување на апетитот
– Ненадејно намалување или зголемување на телесната тежина
– Несоница и депресија
– Тешкотии во дишењето и запирање на здивот
– Сомневање
– Трепење на дланките
– Чувство на беспомошност
– Чувство на опседнатост
– Избувнување без причина
КАКО ДА ГО ПОБЕДИТЕ СТРЕСОТ?
– Правете ги оние нешта кои вам ви одговараат и кои ве исполнуваат. Меѓутоа, ако не сте во можност да ја напуштите сегашната работа и да најдете друга работа која ве исполнува, тогаш најдете начин да си олесните себеси.
– Спортувајте, бидејќи ќе се чувствувате подобро и физички и психички. На тој начин многу полесно ќе се справите со стресот.
– Правете нешта кои ве исполнуваат и ве прават среќни. Тие нешта правете ги најмалку три пати неделно.
– Најмалку еден час дневно одвојте само за себе.
– Размислувајте позитивно, верувајте во себе и во своите способности.
– Прочитајте некоја убава книга.
– Отпатувајте некаде на викенд.
Станете наш facebook фан. Ви Благодариме!