Метаболизмот му овозможува на нашето тело да работи нормално и без препреки. Но многу пати некои од нашите секојдневни навики можат значително да го загрозат функционирањето на овој процес и да доведат до нерамнотежа во нашето тело.
Не спиете доволно
За да функционирате нормално, на вашето тело му е потребен одмор. Недостатокот на сон предизвикува многу проблеми, како на пример забавување на трошењето калории и нарушување на нивото хормони во организмот. Ако спиете помалку од 7-9 часа дневно, вашето тело многу потешко ќе го разградува шеќерот и ќе ви се зголемува чувството за глад.
Го започнувате денот дехидрирани
Несомнено, дехидрацијата е шок за организмот. Таа може да настане веднаш по будењето. Во текот на ноќта метаболичните функции забавуваат, бидејќи нормално не внесувате вода додека спиете. Затоа нашето тело се буди дехидрирано и потребно му е утринско освежување. За да се справите со овој проблем, веднаш по будењето испијте чаша вода. На тој начин ќе имате повеќе енергија енергија, ќе ви се намали апетитот и ќе се спречи надуеноста. Наутро ибегнувајте да пиете големи количини кафе, бидејќи и тоа може да предизвика дехидрација.
Премногу долго седите
После спиење, најголем дел од вас имаат работа која е поврзана со седење уште толку часа. Предолгото седење ја забавува циркулацијата, но и целокупниот метаболизам, што може да предизвика лошо варење на храната, надуеност и насобирање вода. Кога сте на работа, правете пауза на секој час од неколку минути така што ќе прошетате низ ходникот, ќе се истегнете или ќе направите неколку вежби.
Станете наш facebook фан. Ви Благодариме!
