Гумата за џвакање е составен дел на секојдневието на многу луѓе. Некои ја џвакаат после јадење, други само од досада или навика. Иако гумата за џвакање поттикнува лачење на плунка која ја чисти усната шуплина и го освежува здивот, сепак оваа навика има и негативни карактеристики.
Подуеност и проблем со варењето на храната
Во текот на џвакањето „голтаме“ три пати повеќе воздух. Тој воздух останува во дигестивниот тракт и може да предизвика грчеви и подуеност. Исто така, може да предизвика и желудечни киселини кои поттикнуваат подждригнување.
Бактерии
Често ја отвораме устата, а многу имаат навика и да си играат и да ја растегнуваат гумата со прстите, со што внесуваат голем број бактерии во усната шуплина. На тој начин освен бактерии се внесуваат и вируси кои предизвикуваат здравствени тегоби.
Дебелеење
Истражувањата покажуваат дека џвакањето гума за џвакање ја засилува желбата за нездрава храна. Имено, вкусот на ментол, го прави вкусот на овошјето и зеленчукот во одредена мера горчлив, а солената храна и мрсните грицки попримамливи. Исто така, џвакањето oтвора апетит поради што многу почесто ќе почувствувате глад и ќе посегнете по непотребни калории.
Станете наш facebook фан. Ви Благодариме!
