Кој дел од денот е идеален за вежбање?

Порано се верувало дека воопшто не е важно кое време го поминуваме во вежбање. Но, неодамнешното истражување го покажува токму спротивното. Ако сакате убаво да спиете во текот на ноќта и да го намалите крвниот притисок, најдобро е да вежбате наутро.

Истражувањето на унивезитетот Appalachian ги поделило своите волонтери во три групи. Првата група луѓе вежбале во 7 часот наутро, другата во 13 часот и третата во 19 часот. Резултатите покажале дека оние кои вежбале рано наутро, заспивале многу лесно, потонувале во длабок сон и спиеле подолго и поцврсто. 75% од времето кога спиеле се наоѓале во фаза на длабок сон, а тоа е најквалитетниот сон кој ни овозможува потполно закрепнување од секојдневниот физички и психички напор.

Крвниот притисок се намалува во текот на ноќта и му помага на телото да се опушти и да ги опушти срцето и крвните садови. Хормоните се ослободуваат наутро, со будењето, а истовремено се покачува крвниот притисок.

Долгорочниот лош сон предизвикува хипертензија и инфаркт. Исто така, и прекумерната тежина и дијабетесот се поврзуваат со недоволно спиење.

Секако, и вежбањето попладне е ефикасно, посебно ако вложувате повеќе сила. Имено, во попладневните часови нашата координација е најразвиена, па на тој начин и комплицираните вежби ќе ги вршиме многу полесно.

Кликнете ТУКА за да ги погледнете нашите денешни содржини.

Станете наш facebook фан.