БРОКУЛА
Кога една непреспиена ноќ ќе остави белег врз вашето расположение или лице, посегнете по зелена порција витамини. Половина шолја варена брокула содржи околу 2/3 од препорачаната доза на витамин Ц, а тој е јак антиоксиданс кој го штити имунолошкиот систем. Брокулата содржи сулфорафан, кој се користи за детоксикација на телото. Освен тоа, содржи и флавоноид “kaempferol” кој има анти-воспалително дејство.
KAKAO
Шолја топло какао содржи висок процент на антиоксиданс флаванол, кој има двојно поголем број на активни ангиогени клетки во крвта. Овие клетки влијаат на функцијата на обновување и одржување на крвните садови.
СОК ОД ПОРТОКАЛ
Бидејќи содржи висок процент на витамин Ц, сокот од портокал ги забрзува метаболитичките процеси и ја потпомага виталноста на организмот. Овој силен антиоксиданс го забавува стареењето, спречува болести и разни воспалителни процеси и го зголемува производството на колаген, кој прави да изгледате помлади и поздрави.
ЛЕНЕНО СЕМЕ
Лененото семе е богато со омега-3 и омега-6 масни киселини, витамини Б1, Б2, витамин Ц, железо и цинк.
РИБА
Риба треба да јадете најмалку два пати неделно. Големата количина на протеини (20%) и омега-3 масните киселини, кои имаат позитивно влијание врз холестеролот во крвта, се одлични за превенција на болести на срцето и крвните садови. Освен тоа, рибата е богата и со витамини и минерали.
СПАНАЌ
Омилената храна на Попај содржи 15-тина различни флавоноиди кои функционираат како успешни антиоксиданси во борбата против ракот. Во една шолја спанаќ има двојно повеќе витамин Ц од препорачаната дневна доза која е важна за здравјето на коските.
СЛАДОК КОМПИР
Поради големата количина на витамини и минерали, слаткиот компир треба да стане една од неопходните состојки во вашата кујна. Богат е со витамин Б, Ц и Е, калиум, фолна киселина. Тој претставува одличен извор на енергија за нашето тело.
ПИЛЕШКО МЕСО
Пилешкото месо е важен извор на Б комплекс, кој му овозможува на организмот да добие енергија. Содржи ниацин, кој му помага на телото протеините, мастите и јаглехидратите да ги претвори во употреблива енергија. Ова месо е добар извор на селен, кој е важен за хормоналниот метаболизам и за имунолошките функции кои го забавуваат стареењето.
МЕШУНКАСТИ РАСТЕНИЈА
Овие зеленчуци се богати со антиоксиданси, феноли и флавоноиди. Грав, грашок и леќа се важен фактор во борбата против ракот на дојка. Освен тоа, овие растенија го намалуваат холестеролот во крвта и ги исфрлаат токсините од дигестивниот систем.
ЗЕЛЕН ЧАЈ
Наутро, попладне или навечер, консумирајте барем една шолја зелен чај бидејќи има лековити својства. Овој чај содржи полифеноли кои го намалуваат ризикот од кардиоваскуларни болести и го забрзуваат метаболизмот. Помага кај дијабетичарите и го намалува стресот. Здраво е да си пијат 3-6 шолји зелен чај на ден.
Кликнете ТУКА за да ги погледнете нашите денешни содржини.
Станете наш facebook фан.
Станете наш facebook фан. Ви Благодариме!