Физичката активност и правилната исхрана се добитна комбинација за совршена линија на телото. Но, пред да започнете со вежбање, добро е да знаете која храна треба да избегнете да ја консумирате пред вежбање.
ЛЕНЕНО СЕМЕ
Ова семе е сојузник во губењето на телесната тежина. Но, лененото семе е полно со растителни влакна кои може да предизвикаат гасови и надуеност, кои и тоа како би сметале во текот на вежбањето. Затоа, избегнувајте ленено семе два часа пред и после вежбање. Наместо тоа, пред вежбање јадете комбинација на протеини и јаглехидрати кои ќе ви дадат енергија.
ЖИТАРИЦИ
Храната базирана на житарици е полна со несварливи јаглехидрати кои може да предизивкаат непријатни гасови и надуеност.
НЕЗРЕЛИ БАНАНИ
Бананите се одличен избор на храна пред вежбање, но само доколку се целосно зрели. Пред вежбање треба да се избегнува незрелото овошје, бидејќи само ќе ве надуе. Изберете банана која нема ни малку зелена боја на кората. Најзрела и најдобра е бананата чија кора има кафени дамки. Во оваа фаза, шеќерот кој го содржи бананата најлесно се апсорбира. Незрелите банани треба да се избегнуваат бидејќи скробот сеуште не е претворен во шеќер.
МЕКСИКАНСКА ХРАНА
Зачинетата храна помага во согорување калории, но тоа нема да помогне во согорување калории во текот на вежбањето. Мексиканската и кинеската храна може да предизвикаат горушица која може да ви попречи во вежбањето.
ТВРДО ВАРЕНО ЈАЈЦЕ
Јајцата се одличен извор на протеини, но тврдо варените јајца не содржат јаглехидрати кои телото ги претвора во енергија. Освен тоа, нивните протеини подолго остануваат во желудникот и потребно е повеќе време да се распаднат. Тоа може да ве успори и да направи да бидете помалку активни.
Станете наш facebook фан. Ви Благодариме!